हाँस्दा हुने ७ आश्चर्यजनक फाइदा

 

हाँसो शरीरका लागि सबैभन्दा महत्वपूर्ण औषधी हो । विभिन्न अध्ययनले यसलाई पुष्टि गरिसकेको छरहेको विभिन्न अध्ययनहरुले देखाएको छ । हाँसोले हाम्रो अवस्थामा परिवर्तन ल्याइदिन्छ । 

१. दुखाइबाट राहत मिल्छ

सँचो हाँसाले एन्डोर्फिन रिलिज गर्दछ । यो हार्माेन रिलीजले दुखाइमा सहनशीलता बढाउन मद्दत गर्दछ । एउटा अध्ययनका क्रममा एउटा समूहलाई १५ मिनेट कमेडी शो हेर्न लगाइएको थियो । हाँसो पछि उनीहरुको दुखाइ सहनशीलतमा १० प्रतिशतले बृद्धि भएको अध्ययनले देखाएको थियो । तर एक्लै कमेडी शो हेर्ने व्यक्तिमा पनि दुखाई सहनशीलतामा कमी आयो तर त्यो १० प्रतिशतभन्दा कम थियो । त्यसैले समूहमा हाँस्दा यसले अझ बढी प्रभाव पार्दछ । त्यसैले लाफ्स्टर योगमा समूहमा हास्ने गरिन्छ ।

२ गर्भवतीको सम्भावना बढाउँछ

२०११मा गरिएको एक अध्ययलने भिट्रो फर्टिलाइजेसनमार्फत गर्भवती हुनुपर्दा जोकरद्वारा मनोरञ्जन नगरिएका महिलाको तुलनामा मनोरञ्जन गरिएका महिलामा १६ प्रतिशतभन्दा बढीले गर्भवतीको सम्भावना बृद्धि भएको देखाएको थियो । हाँसोको प्रभाव कहाँसम्म हुन्छ भन्ने कुरा यसले पनि प्रष्ट पार्दछ । 

३ मुटुलाई मद्दत गर्दछ

एक राम्रो हाँसो तपाइको मुटु स्वस्थ्य राख्नका लागि महत्वपूर्ण हुन्छ । यसले तपाईको रगतमा अक्सिनजको मात्रा बढाउँछ र हृदयको गतिलाई बढाउन मद्दत गर्दछ । यसले धमनी पर्खालको कठोरतालाई पनि कम गर्दछ । 

४ प्रतिरक्षा ंप्रणाली बृद्धि गर्दछ

हाँस्नाले प्रतिरक्षा प्रणालीमा सुधार गर्दै भाइरसबाट सुरक्षित रहनमा मद्दत गर्दछ । हाँसोले शरीरलाई संक्रमणबाट बचाउन मद्दत गर्नका लागि संक्रमण विरोधी एन्टीबडी जारी गर्दछ । 

५ तपाईलाई खुसी बनाउँछ

हाँस्नाले तपाईको मुडलाई हल्का बनाउन मद्दत गर्दछ । यसले चिन्ता र मानसिक रोग क मगर्न मद्दत गर्दछ । साथै सबै चुनौतीपूर्ण परिस्थितिहरुसँग  लड्नका लागि सहज अवस्था सिर्जना गर्न सक्छ । 

६ तनाव कम गर्दछ

जब हामी तनावमा हुन्छौं तब हाम्रो शरीरले कोर्टिसोल निकाल्छ । किनकि यसलाई तनाव हार्माेनका रुपमा चिनिन्छ । कोर्टिसोलले खराब रैप प्राप्त गर्दछ तर यसले शरीरमा महत्वपूर्ण भूमिका निर्वाह गर्दछ । यसले रगतमा चिनीको मात्रालाई प्रबन्ध गर्न सहयोग गर्दछ । मेटाबोलिजमलाई व्यवस्थापन गर्दछ र महत्वपूर्ण समयमा लडाई वा उडान प्रक्रियामा ट्रिगर गर्दछ । हाँसोले शरीरको कोर्टिसोलको विनियमन गर्न मद्दत गर्न सक्छ । हाँस्दा अक्सिजनको मात्रा बढ्छ जसले कोर्टिसोलको स्तर घटाउँछ । केहि अध्ययनहरुले कुनै जोक्स, कमेडीविना हास्दा समेत तनाव मुक्त हुन सहयोग गर्दछ । 

७ शरीरलाई आराम दिन्छ

तनावको कारण मांसपेशिहरु तनावग्रस्त हुन्छन् । हाँस्नाले तनाव कम हुन्छ किनकि यसले मांसपेशिहरुलाई आराम मिल्छ । एउटा राम्रो हाँसोले शरीरको मांसपेशिलाई ४५ मिनेटसम्म अतिरिक्त तनावबाट मुक्त गर्न सक्छ । 

एक सेल्फ केयर ब्रेक लिनु र मनोरञ्जन गर्नुलाई तपाई विलाशिता सम्झनुहुन्छ भने तपाई रोगी हुन सक्नु हुन्छ । यो स्वास्थ्यका लागि आवश्यक छ । दिनको कम्तिमा १५ मिनेट मज्जाले हाँस्ने उपायको खोजी गर्नुहोस् । हाँस्य योग यसका लागि उपयुक्त हुन सक्छ । जहाँ कुनै कमेडी, जोक्स विना अभ्यासका रुपमा हाँसिन्छ । विश्वमा आज हजारौ हास्य क्लबहरु खुलेका छन् । यसले तपाईको सेवानिवृत्त्तमा जिउन मद्दत गर्न सक्छ ।